TJM kópqabatty úılerdiń qaýipsizdigin dron arqyly baqylamaq
ASTANA. KAZINFORM – Tótenshe jaǵdaılar mınıstri Shyńǵys Árinov oqýshylardyń jazǵy demalysyn qaýpisiz uıymdastyrýǵa baǵyttalǵan sharalar týraly málimet berdi.
- Sý qoımalarynda balalardy eresekterdiń qaraýynsyz qaldyrý – bul bala ólimine ákeletin negizgi sebep. Kanaldar men aryq júıeleri sııaqty shaǵyn sý obektilerdiń ózinde bala óliminiń jıi oryn alady. Osyǵan baılanysty, jazǵy kanıkýl bastalǵanǵa deıin Oqý-aǵartý mınıstrligi ata-analar men balalar arasyndaǵy profılaktıkany kúsheıtýi tıis, - dedi mınıstr.
Sondaı-aq, ol jaz mezgilinde balalardyń terezeden qulaýy jaǵdaılarynyń kóbeıip ketetinin erekshe atap ótti.
- Mınıstrliktiń tarapynan terezelerge qorǵanysh qurylǵylaryn óteýsiz negizde ornatý jáne turǵyn úı keshenderiniń aýlalarynda ushqyshsyz ushý apparattary arqyly halyqty aqparattandyrý jumystary júrgiziledi. Bala óliminiń aldyn alý maqsatynda Mádenıet jáne aqparat mınıstrligi keń aýqymdy aktsııa ótkizýi qajet.
Sonymen qatar, jazǵy kezeńde adamdar kóp baratyn týrıstik oryndar men kórnekti jerlerdegi qaýipsizdik sharalarynyń saqtalýyn tıisti vedomstvo qamtamasyz etýi kerek, - dedi Shyńǵys Árinov.
Oqý-aǵartý mınıstrliginiń málimeti boıynsha, bıyl 92% oqýshy lagermen qamtylady.