TJM qyzmetkerlerine kóterme jáne qosymsha tólemder qalaı tólenedi

ASTANA. KAZINFORM – Úkimet azamattyq qorǵaý organdarynyń qyzmeti boıynsha aýysqan kezde kóterme járdemaqyǵa, kólikte jol júrgeni jáne óz múlkin tasymaldaǵany úshin jumsalǵan shyǵyndarynyń ótelýine quqyǵy bar qyzmetkerleri laýazymdarynyń tizbesin bekitti.

1. Qazaqstan Respýblıkasy Tótenshe jaǵdaılar mınıstrliginiń apparaty:

• apparat basshysy;
• departament, ortalyq bastyǵy;
• departament, ortalyq bastyǵynyń orynbasary;
• derbes basqarma bastyǵy;
• departament basqarmasynyń, ortalyqtyń kezekshi bóliminiń bastyǵy;
• derbes basqarma bastyǵynyń orynbasary;
• departament basqarmasy, ortalyqtyń kezekshi bólimi bastyǵynyń orynbasary.

2. TJM Órtke qarsy qyzmet jáne Tótenshe jaǵdaılardyń aldyn alý komıtetteri:

• Komıtet tóraǵasy;
• Komıtet tóraǵasynyń orynbasary;
• Komıtet basqarmasynyń bastyǵy;
• Komıtet basqarmasy bastyǵynyń orynbasary;
• Komıtettiń derbes bóliminiń bastyǵy.

3. TJM aýmaqtyq organdary:

• oblystyń, respýblıkalyq mańyzy bar qalanyń jáne astananyń aýmaqtyq organy bastyǵynyń birinshi orynbasary;
• oblystyń, respýblıkalyq mańyzy bar qalanyń jáne astananyń aýmaqtyq organy bastyǵynyń orynbasary;
• oblystyń, respýblıkalyq mańyzy bar qalanyń jáne astananyń aýmaqtyq organy basqarmasynyń bastyǵy;
• qalalyq, aýdandyq (qaladaǵy aýdandyq) aýmaqtyq organnyń bastyǵy;
• qalalyq, aýdandyq (qaladaǵy aýdandyq) aýmaqtyq organ bastyǵynyń orynbasary;
• órt sóndirý bóliminiń, mamandandyrylǵan órt sóndirý bóliminiń, órt sóndirý beketiniń bastyǵy.

Atalǵan qaýly 28 qyrkúıekte qoldanysqa engiziledi.

Buǵan deıin azamattyq qorǵaý organdary qyzmetkerleriniń áleýmettik mártebesi kóterilegenin jazǵanbyz.