TJM qyzmetkerleri qoıan-qoltyq urystan Azııa chempıony atandy
BІShKEK. KAZINFORM — Tótenshe jaǵdaılar mınıstrliginiń qyzmetkerleri qoıan-qoltyq urystan Azııa chempıonatynda jeńiske jetti.
2024 jylǵy 12-16 qyrkúıek aralyǵynda TJM qyzmetkerleri qyrǵyz astanasy Bishkek qalasynda ótip jatqan qoıan-qoltyq urystan Azııa chempıonatynda Qazaqstan atynan qatysyp jatyr.
Chempıonattyń birinshi kúni «ózin-ózi qorǵaý 1+1» boıynsha Azııa chempıondary:
- Chabotareva Marııa, Qaraǵandy oblysynyń TJD.
- Asylbekova Saǵynysh, Astana qalasynyń TJD.
Azııa chempıonatynyń ekinshi kúni «jekpe jek» boıynsha Azııa chempıondary:
- Larıonova Emılııa, Atyraý oblysynyń TJD.
- Chabotareva Marııa, Qaraǵandy oblysynyń TJD.
- Daıana Amantaeva, Aqmola oblysynyń TJD.
Eske sala keteıik, keshe osy chempıonatta atyraýlyq polıtseı Aıda Haırýllına qoıan-qoltyq urystan jeńiske jetkenin habarlaǵan bolatynbyz.
Dúbirli dodada 13 elden 250 sportshy baq synaǵan.
Bul saıysta atyraýlyq polıtsııa leıtenanty Aıda Haırýllına 70 keli salmaqta synǵa tústi. Ol qarsylastarynyń bárin qapy qaldyryp, birinshi júldeni ıelendi. Sóıtip, Azııa chempıonaty atanyp otyr.
