TJM qyzmetkerleri qoıan-qoltyq urystan Azııa chempıonatyn jeńip aldy

ASTANA. KAZINFORM - Taılandtyń Pattaııa qalasynda qoıan-qoltyq urystan Azııa chempıonaty aıaqtaldy, dep habarlaıdy QR Tótenshe jaǵdaılar mınıstrliginiń baspasóz qyzmeti.

TJM qyzmetkerleri qoıan-qoltyq urystan Azııa chempıonatyn jeńip aldy
Foto: QR TJM baspasóz qyzmeti

Jarysqa 23 elden 240 sportshy qatysty. Chempıonat qorytyndysy boıynsha Qazaqstan quramasy jalpykomandalyq esepte І oryn ıelendi.

Ulttyq qurama sapynda QR TJM BATYR TEAM sport klýbynyń ókilderi joǵary nátıje kórsetip, Azııa chempıondary atandy.

TJM qyzmetkerleri qoıan-qoltyq urystan Azııa chempıonatyn jeńip aldy
Foto: QR TJM baspasóz qyzmeti

Abdrashıt Taırov — «Rezerv» RMK fılıalynyń ókili, 62 kelige deıingi salmaq dárejesinde óner kórsetti;

Arman Tólebaı — Málik Ǵabdýllın atyndaǵy Azamattyq qorǵaý akademııasynyń kýrsanty, 57 kelige deıingi salmaq dárejesinde úzdik atandy.

Bul jeńis — Tótenshe jaǵdaılar mınıstrligi ókilderiniń halyqaralyq arenadaǵy joǵary daıyndyq deńgeıi men sporttyq sheberliginiń aıqyn dáleli.

TJM qyzmetkerleri qoıan-qoltyq urystan Azııa chempıonatyn jeńip aldy
Foto: QR TJM baspasóz qyzmeti

Osyǵan deıin habarlaǵanymyzdaı, Qazaqstannyń jasóspirimder quramasy padelden Azııa kýbogynda alǵash ret qola medal jeńip aldy.