TJM qyzmetkerleri qoıan-qoltyq urystan Álem kýbogynda 9 medal jeńip aldy
ASTANA. KAZINFORM – Túrkııanyń Býrsa qalasynda ótken qoıan-qoltyq urys boıynsha Álem kýbogynyń fınalynda Qazaqstan TJM qyzmetkerleri toǵyz medal enshiledi, dep habarlaıdy QR Tótenshe jaǵdalar mınıstrliginiń baspasóz qyzmeti.
Jarys qorytyndysy boıynsha qazaqstandyq qutqarýshylar eki altyn, bir kúmis jáne alty qola medalǵa ıe boldy.
«Jekpe-jek» dıstsıplınasynda Shyǵys Qazaqstan oblysy TJD qyzmetkeri Aıshaǵul Eleýbaeva altyn medal jeńip aldy. Sondaı-aq bul saıysta Azamattyq qorǵanys akademııasynan Arman Tólebaı men Eralhan Kazezov, Atyraý oblysy TJD ókili Aıda Haırýllına, Qyzylorda oblysy TJD ókili Sanııa Bolatbek jáne Astana qalasy TJD ókili Nazerke Ǵalym qola júldeger atandy.
«Ózin-ózi qorǵaý» dıstsıplınasynda Pavlodar oblysy TJD qyzmetkeri Vladımır Demıanov altyn medal enshilese, Astana qalasy TJD ókili Ómirjan Týkýshev kúmis júldege ıe boldy. Al Azamattyq qorǵanys akademııasynyń ókili Darhan Qasymov qola medal aldy.
Osyǵan deıin Almatyda armııalyq qoıan-qoltyq urys boıynsha chempıonat jeńimpazdary anyqtaldy
