TJM qyzmetkerleri Alakólde alty adamdy qutqardy
ASTANA. KAZINFORM – Abaı oblysy TJD Jedel-qutqarý jasaǵynyń Alakól kólindegi qutqarý stantsııasyna Maqanshy aýdanyndaǵy Araltóbe aralynda bolǵan demalýshylar tobynyń ózdiginen jaǵaǵa jete almaı jatqany týraly habarlama kelip túsken.
Qutqarý jumystaryna Jedel-qutqarý jasaǵynyń kúshteri dereý jumyldyryldy. Jaǵalaýdan shamamen 11 shaqyrym qashyqtyqta qutqarýshylar alty adamdy, onyń ishinde tórt balany anyqtady.
Oqıǵanyń aldyn ala sebebi úrlemeli qaıyqtyń akkýmýlıatorynyń isten shyǵýy bolǵan. Sonyń saldarynan demalýshylar jaǵalaýǵa ózdiginen jete almaǵan.
TJM qyzmetkerleri qaıyqtaǵy barlyq azamatty qaýipsiz túrde evakýatsııalap, jaǵaǵa jetkizdi. Qutqarylǵandarǵa medıtsınalyq kómek qajet bolǵan joq.
Aıta keteıik, Úkimet Alakól jaǵalaýyn qorǵaıtyn bóget salýǵa 3 mlrd teńge bóldi.
