TJM qyzmetkerleri 5 balyqshyny qutqardy

ASTANA. KAZINFORM – Jambyl oblysy Jýaly aýdanyndaǵy Ters-Aşybýlak sý qoımasynda bes balyqshy aıdyn erýiniń saldarynan jaǵadan bólinip qalǵan muzdyń ústinde qalyp qoıǵan.

Oqıǵa ornyna jedel kelip jetken TJM qutqarýshylary qutqarý taqtasynyń kómegimen barlyq zardap shekkenderdi qaýipsiz túrde jaǵaǵa shyǵardy. Olarǵa medıtsınalyq kómek qajet bolǵan joq.

Sonymen qatar 112 pýltine Qostanaı oblysy Arqalyq qalasynyń mańynda ornalasqan Aqjar kóliniń jaǵalaýynda balyqshy joǵalyp ketkeni týraly habarlama kelip túsken.

Er adam balyqshylar tobymen birge bolǵan, biraq joldastarynan alystap, baǵdaryn joǵaltyp, adasyp ketken.

Habarlamany alǵannan keıin qutqarýshylary joǵary ótý tehnıkasymen jedel túrde izdeýge shyqty.

- Úılesimdi jumystyń arqasynda er adam kóldiń janyndaǵy qarly dalada tez tabyldy, - delingen habarlamada.

Qutqarýshylar birden er adamdy jylytyp, jyly shaı berip, eldi mekenge jetkizdi. 

Medıtsınalyq kómekke muqtaj bolmaǵan balyqshy qutqarýshylarǵa jedel kómek kórsetkenderi úshin alǵysyn bildirdi.

Eske salsaq qutqarýshylar jolda qalyp qoıǵan Tájikstan azamattaryna kómek kórsetken edi.