TJM: Qysqa tuıyqtalý — turǵyn úıdegi órttiń basty sebepteriniń biri
ASTANA. KAZINFORM — Tótenshe jaǵdaılar mınıstrligi qysqa tuıyqtalý — turǵyn úılerdegi órttiń eń jıi kezdesetin sebepteriniń biri ekenin aıtyp, qaýipten saqtanýdyń qarapaıym joldaryn atady.
Qaýiptiń aldyn alý úshin qarapaıym erejelerdi saqtańyz:
- Elektr jelisine shamadan tys júkteme túsirmeńiz, birneshe qýatty elektr qurylǵysyn bir ýaqytta qospańyz;
- Tek jaramdy rozetkalar men elektr symdaryn paıdalanyńyz;
- Elektr jylytqyshtary men zarıadtaý qurylǵylaryn qaraýsyz qaldyrmańyz;
- Kúıik ıisi shyqsa, ushqyn baıqalsa nemese rozetka qyzyp ketse, elektr qýatyn dereý ajyratyńyz;
- Elektr qurylǵysy janǵan jaǵdaıda ony sýmen sóndirmeńiz. Aldymen elektr qýatyn óshirip, keıin órt sóndirgishti nemese tyǵyz matany qoldanyńyz.
— Elektr qaýipsizdigi erejelerin saqtaý — ózińizdiń jáne jaqyndaryńyzdyń qaýipsizdiginiń kepili ekendigin este saqtańyz! — deıdi mamandar.
Buǵan deıin elorda hostelderinde órt qaýipsizdigine qatysty reıd júrgizilgenin jazǵanbyz.
