TJM «Qazavıaqutqarý» ushqyshtary shuǵyl jaǵdaıda kómekke keldi
QYZYLORDA. KAZINFORM — QR TJM Qazavıaqutqarý áýe kemesi Qyzylorda oblysy, Qarmaqshy aýdany, Tóretam eldi mekeniniń 1989 jyly týǵan turǵyny shuǵyl tasymaldandy. Bul týraly TJM baspasóz qyzmeti málim etti.
— Ushý áýe kemesiniń komandıri Baımusa Órken men ekinshi ushqysh Ahmetov Rasýlbektiń basshylyǵymen oryndaldy. Tikushaqty jetekshi ınjener Zekeev Ersultan men avıatehnık Jumabekov Ashat daıyndady, — delingen habarlamada.
Ekıpaj ben medıtsına qyzmetkerleriniń úılesimdi jumysynyń nátıjesinde naýqas adam jedel túrde Qyzylorda qalasyndaǵy medıtsınalyq mekemege jetkizilgen.
Eske sala keteıik, Abaı oblysynda bolǵan jol-kólik oqıǵasyna baılanysty Memleket basshysynyń tapsyrmasy boıynsha zardap shekkenderge shuǵyl medıtsınalyq kómek kórsetý úshin áskerı ushaq jiberilgenin jazǵan edik.
