TJM: Qazaqstannyń 10%-yn áli de qar basyp jatyr
NUR-SULTAN. QazAqparat – QR Tótenshe jaǵdaılar mınıstri ıÝrıı Ilın sý tasqyny qaýpi bar óńirlerdi atady, dep habarlaıdy QazAqparat tilshisi.
«Qar jamylǵysynyń jaı-kúıi týraly aıtar bolsaq, Qazaqstan aýmaǵynda aqpannyń aıaǵynda jáne naýryzdyń basynda aýa raıy nasharlady jáne elimizdiń shamamen 10%-yn áli de qar basyp jatyr. Bul negizinen Aqmola, Soltústik Qazaqstan, ishinara Qostanaı oblystary jáne Shyǵys Qazaqstan jáne Almaty oblystarynyń taýly aýdandary», - dedi mınıstr Ortalyq kommýnıkatsııalar qyzmetinde ótken baspasóz máslıhatynda.
Mınıstr aqpan aıynyń basynan bastap TJ jónindegi komıssııa otyrystary, onyń ishinde Úkimet otyrystary ótkenin, onda naqty is-sharalar aıqyndalǵanyn jáne aldaǵy sý tasqyny kezeńine daıyndyq jumystary boıynsha tapsyrmalar berilgenin aıtty.
«Aldyn ala jasalǵan jumystar búgingi kúni eldi mekenderdi sý basý qaýipteri barynsha azaıtylǵan dep aıtýǵa múmkindik beredi», - dedi ıÝrıı Ilın.
Buǵan deıin Tótenshe jaǵdaılar mınıstri elimizde 46 úı men 67 avtojoldy sý basqanyn aıtqan edi.
Sonymen birge Túrkistan oblysynda sý bógetin sapasyz jóndeý kesirinen 4 eldi mekendi sý ala jazdady.
