TJM qazaqstandyqtardy kóshkin qaýpine baılanysty taýǵa barmaýǵa shaqyrdy
ASTANA. KAZINFORM — Qazaqstannyń TJM «Qazseldenqorǵaý» mamandary tótenshe jaǵdaılardyń aldyn alý maqsatynda elimizdiń taýly aımaqtaryndaǵy qar kóshkini qaýpi bar ýchaskelerdi turaqty túrde baqylap, tekserip otyrady. Bul týraly TJM baspasóz quyzmeti málim etti.
— Qar kóshkini qaýpi kezeńiniń basynan bastap (2025 jyldyń qarasha aıynan) respýblıka boıynsha 331 jergilikti zertteý júrgizildi, qar kóshkini túsýi múmkin jerlerge 110 eskertý belgisi ornatyldy, — delingen habarlamada.
Halyqty aqparattandyrý maqsatynda 1 275 eskertý habarlamasy, sondaı-aq 6 103 aqparattyq broshıýra taratyldy. 2025–2026 jyldarǵy qar kóshkini qaýipti kezeńi bastalǵaly beri Almaty qalasy men Almaty, Jambyl oblystarynda 61 ret qar kóshkininiń ózdiginen túsýi tirkeldi.
Aıta keteıik, ShQO-da qar kóshkini qaýpi joǵary ýchaskelerge tikushaqpen barlaý jasaldy.