TJM qazaqstandyqtardy «dabyl sómkesin» daıyndap qoıýǵa shaqyrdy

ASTANA. KAZINFORM — Jambyl oblysyndaǵy jer silkinisinen keıin Tótenshe jaǵdaılar mınıstrligi qazaqstandyqtarǵa úndeý joldap, «dabyl sómkesiniń» daıyndaýdyń mańyzyn eske saldy.

«Dabyl sómkesi» — qutqarýshylar kelgenge deıin nemese jer silkinisi, sý tasqyny órt jáne basqa da tótenshe jaǵdaılarda aman qalýǵa arnalǵan zattardyń negizgi jıyntyǵy dep atalady.

— Oqys oqıǵadan eshkim saqtandyrylmaǵan. Tótenshe jaǵdaı týraly dabyl kez kelgen sátte, kez kelgen jerde qaǵylýy múmkin. «Dabyl chemodany» árqashan daıyn bolýy úshin buǵan aldyn ala daıyndyq jasańyz! Buǵan tótenshe jaǵdaıda qoldanýǵa bolatyn zattar kiredi, — dep atap ótti vedomstvo.

«Dabyl chemodany» qujattardan, aqshadan, alǵashqy medıtsınalyq kómek jınaǵynan, úsh kúndik tamaqtan, aýyz sýmen jáne birneshe kúndik taǵamnan, konservilerden, joǵary kalorııaly taǵamdardan, gıgıenalyq quraldardan, jyly kıimderden, kórpeden, kerek-jaraqtardan (radıo, fonar, batareıalar, sirińkeler, quraldar, ysqyryq) turady.

— Ol tótenshe jaǵdaı kezinde sizdiń ómirińizdi saqtaýdy basty quralyna aınalady! Sol sebepti ár azamattyń tótenshe jaǵdaıǵa jáne odan keıingi áreketke daıyn bolǵany jón, — dep eskertti mınıstrlik.

Budan bólek, TJM jer silkinisi kezindegi júris-turys qaǵıdalaryn eske salatyn vıdeo jarııalady.

Eske salsaq, búgin saǵat 16:00 shamasynda Jambyl oblysynda taǵy da jer silkindi.

Buǵan deıin óńirde alǵashqy jer silkinisi 03:42–de tirkelgeni belgili boldy. Eseptelgen qarqyndylyǵy Merki aýylynda — 5.0 ball, Qulan aýylynda — 4.0 ball, Shý

Tabıǵı apat saldarynan Turar Rysqulov aýdany Qaraqystaq aýylyndaǵy mádenıet úıi, Merki aýdandyq aýrýhanasy, Oıtal aýylyndaǵy mektep ǵımaratynyń qabyrǵasynda jaryqshaq paıda bolǵany anyqtaldy.

Budan bólek, úkimettik jumys toby jaǵdaıdy saraptap, baǵalaý jáne shara qoldaný úshin Jambyl oblysyna jiberildi.

Keıinnen Prezıdent Qasym-Jomart Toqaev Jambyl oblysynyń ákimi Erbol Qarashókeev pen Tótenshe jaǵdaılar mınıstri Shyńǵys Árinovtiń óńirdegi jer silkinisinen keıingi ahýal boıynsha baıandamalaryn tyńdady.