TJM «QazAqparat» jáne Jibek Joly tilshilerin marapattady
Tótenshe jaǵdaılar mınıstri ıÝrıı Ilın Jibek Joly telearnasynyń tilshisi Kúnsaıa Qurmet-Rahımovaǵa marapatty saltanatty túrde tabystady. Al «QazAqparat» HAA-nyń menshikti tilshisi Aqjigit Shúkibaevtyń Túrkııada bolýyna baılanysty, onyń marapatty Túrkııadaǵy Qazaqstan elshiligi arqyly jetkizdi.
«QazAqparat» HAA tilshisi Aqjigit Shúkibaev
Qazaqstandyq jýrnalıster Túrkııadaǵy zilzala kezinde 10 kúnnen asa qazaqstandyq qutqarýshylardyń jumystary týraly turaqty habar berip otyrdy. Zilzalanyń saldaryn joıý kezindegi batyldyǵy men kómegi úshin olar Qazaqstan Respýblıkasy Tótenshe jaǵdaılar mınıstrliginiń «Qutqarý operatsııalaryna belsendi qatysqany úshin» tósbelgisimen marapattaldy. Túrkııadaǵy apat aımaǵynda ómirin qaýipke tigip jumys istegen tilshiler óz jumysyn atqaryp qana qoımaı, qazaqstandyq qutqarý brıgadasyna túrik tilinen aýdarma jasap ta kómektesken.
Saltanatty shara kezinde mınıstr ıÝrıı Ilın tilshilerdiń jumysy men eńbegine alǵys aıtty.
Aıta ketsek, 6 naýryzda TJ mınıstri ıÝrıı Ilın Túrkııadaǵy joıqyn jer silkinisinen keıingi qutqarý jumystaryna qatysqan qazaqstandyq qutqarýshylardy marapattaǵan bolatyn. Ofıtserlik quramdaǵy birneshe adam ekinshi dárejeli «Aıbyn» ordenin ıelense, azamattyq quram – «Qurmet» ordenimen, basqalary – «Eren eńbegi úshin» úkimet medali men mekeme marapattaryna ıe boldy.
Qıraǵan turǵyn úılerge qatysty Túrkııada 269 adam qamaýǵa alyndy. Zilzaladan kelgen materıaldyq zalal - eki trıllıon túrik lırasyna (105 mıllıard dollardan joǵary) jetti.
