TJM Kaspııdegi teńiz ınfraqurylymyn damytýdy kúsheıtip jatyr
ASTANA. KAZINFORM — Tótenshe jaǵdaılar mınıstri general-leıtenant Shyńǵys Árinov jumys sapary aıasynda Mańǵystaý oblysyndaǵy «Baýtıno» júk aýdanynda boldy.
Ol aýdannyń ınfraqurylymymen jáne materıaldyq-tehnıkalyq jaraqtalýymen tanysty.
Túpqaraǵan aýdanynda ornalasqan «Baýtıno» Kaspıı óńiri ınfraqurylymynyń negizgi nysandarynyń biri bolyp tabylady. Ol avarııalyq-qutqarý jáne izdestirý-qutqarý jumystaryn júrgizýdi, sondaı-aq teńizdegi munaı tógindileriniń saldaryn joıýdy qosa alǵanda teńiz operatsııalaryn qoldaý bazasy retinde mańyzdy ról atqarady.
Mınıstr aýdannyń Kaspıı teńiziniń qazaqstandyq sektoryndaǵy qaýipsizdikti qamtamasyz etýdegi mańyzyn atap ótip, tehnıkalyq áleýetti odan ári damytý jáne teńiz ınfraqurylymyn jańǵyrtý qajettigin jetkizdi. Sondaı-aq TJM «Teńiz jasaǵy» bólimsheleri tótenshe jaǵdaılarǵa jedel áreket etý tıimdiligin arttyryp, Kaspıı teńizi akvatorııasyndaǵy qaýipsizdikti kúsheıtýge múmkindik beredi.
Aıta ketelik TJM Kaspııdegi teńiz qutqarý júıesin nyǵaıtyp jatqany týraly jazǵan edik.
