TJM: Qaraǵandy oblysy tas jolynyń boıynda avtobýstyń qozǵaltqyshy isten shyqty
ASTANA. 3 qańtar. QazAqparat - Qaraǵandy oblysynyń Kıevka-Osakarovka avtojolynyń 66-shaqyrymynda qozǵaltqyshtyń istemeı qalýynan 51 jolaýshysy bar «Mersedes» jolaýshylar avtobýsy jolda qaldy. Jolaýshylardyń toǵyzy - balalar, dep habarlady QR TJM.
Aýdannyń tótenshe jaǵdaılar jónindegi bólimi men jol polıtsııasy qyzmetkerleriniń kúshimen 15 jolaýshy jol boıynda kezdesken avtokóliktermen saparlaryn jalǵastyrdy. Qalǵan 36 jolaýshy - Qaraǵandy oblysy TJD-nyń «KÝNG» avtokóligimen Osakarovka aýylynyń kólik stansasyna jetkizildi. Zardap shekkender joq, dep habarlady QR TJM baspasóz qyzmetinen.
