TJM-ge memlekettik emes órtke qarsy qyzmetter attestatynyń kúshin joıý quqyǵy berilmek
«Tótenshe jaǵdaılar mınıstrligi memlekettik emes órtke qarsy qyzmetterdiń (MEÓQQ) qyzmetine memlekettik baqylaýdy kúsheıtý maqsatynda zańnamalyq norma ázirledi. Norma órt qaýipsizdigi salasyndaǵy memlekettik baqylaý men qadaǵalaýdyń laýazymdy tulǵalary bergen uıǵarymdy oryndamaǵan nemese nemese tıisti deńgeıde oryndamaǵan memlekettik emes órtke qarsy qyzmettiń órtterdiń aldyn alý jáne óshirý jumystaryn júrgizý quqyǵy attestatynyń áreketin toqtatýdy qarastyrady», - delingen Senat depýtattarynyń saýalyna berilgen Premer-Mınıstr Álıhan Smaıylovtyń jaýabynda.
Onyń atap ótýinshe, atalǵan norma «Azamattyq qorǵanys máseleleri boıynsha keıbir zańnamalyq aktilerge ózgertýler men tolyqtyrýlar engizý týraly» zań jobasynda kózdelgen. Zań jobasy qazirgi ýaqytta múddeli memlekettik organdardyń kelisý protsedýrasynan ótip jatyr.
