TJM eskertedi: qysqy kezeńde saqtyq sharalaryn qatań saqtaý qajet
ASTANA. KAZINFORM — Tótenshe jaǵdaılar mınıstrligi aýa raıynyń qolaısyzdyǵyna baılanysty halyqty qaýipsizdik sharalaryn saqtaýǵa shaqyrady.
QR Tótenshe jaǵdaılar mınıstrligi halyqtyń qaýipsizdigi men tirshilikti qamtamasyz etý nysandarynyń turaqty jumysyn qamtamasyz etý maqsatynda qysqy kezeńde tabıǵı jáne tehnogendik sıpattaǵy tótenshe jaǵdaılardyń aldyn alý men olardy joıý boıynsha keshendi is-sharalar uıymdastyrylatynyn habarlady.
Aýa raıy jaǵdaıyna turaqty monıtorıng júrgizilip keledi. Avtojoldardaǵy tótenshe jaǵdaılardyń aldyn alý jáne olardy joıý boıynsha tıisti sharalar qabyldanyp jatyr.
Boljanǵan qolaısyz aýa raıy jaǵdaıyna baılanysty TJM azamattardy saqtyq sharalaryn saqtaýǵa shaqyrady.
- daýyldy eskertýler men jedel aqparattaryn qadaǵalańyzdar;
- qolaısyz aýa raıy jaǵdaıynda alys saparlarǵa shyqpańyzdar;
- aýyl turǵyndaryna qatty aıaz, boran jáne kóriný qashyqtyǵy shekteýli jaǵdaıda uzaq jolǵa jaıaý shyqpańyzdar.
Tótenshe jaǵdaı týyndaǵan jaǵdaıda nemese qıyndyqqa tap bolǵan jaǵdaıda, turǵan aýmaqtan dereý 112 nómirine habarlasý qajet.
Tótenshelikter tek uqyptylyq, saqtyq sharalary jáne der kezindegi is-qımyl qysqy kezeńde ómir men densaýlyqty saqtaýǵa kómektesedi.
Taýdan tıýbıngpen syrǵanaǵan kezde qandaı saqtyq sharalaryn saqtaǵan jón.