TJM eldegi jol apattarynyń basty sebepterin atady

ASTANA. KAZINFORM – Tótenshe jaǵdaılar mınıstrligi Tótenshe jaǵdaılardy joıý departamenti bastyǵynyń orynbasary Aslan Ýákishev Qazaqstan joldaryndaǵy jol-kólik oqıǵalarynyń basty sebepterin atady.

– Eń aldymen, aýa raıy saldarynan qıyndyqtar týyndaıdy. Ekinshi másele – joldardyń jabylǵany týraly habarlamany elemeı, jolǵa shyǵyp ketetin jaýapsyz júrgizýshiler. Osydan keıin jol-kólik oqıǵalary oryn alady, – dedi A. Ýákishev Ortalyq kommýnıkatsııalar qyzmetindegi brıfıngte.

Sondaı-aq, joldaǵy qaýipsizdikke áser etetin taǵy bir faktor – olardyń kútimi.

A. Ýákishev tehnıkanyń jáne qardan qorǵaıtyn qalqandardyń jetkiliksizdigi máselesi bar ekenin aıtýda.

– Biz joldardy tazalaýǵa jaýapty «Qazavtojolmen» únemi baılanysta jumys isteımiz. Bul baǵytta jumystar júrip jatyr: tehnıka tartylǵan, joldar tazartylyp jatyr, vıdeoesepter bar jáne biz bul protsesti baqylaýda ustaımyz. Degenmen, aýa raıy faktoryn ala boljaý nemese ózgertý múmkin emes. Árıne, odan da basqa problemalar bar: qardan qorǵaıtyn qalqandar jetkiliksiz, bálkim, tehnıka sany jetispeıdi. Biraq osyǵan qaramastan, biz múmkindiginshe barlyq jumystardy atqaryp jatyrmyz, – dep túsindirdi spıker.

Buǵan deıin Aslan Ýákishev Aqmola oblysyndaǵy 95 avtokóliktiń soqtyǵysý sebebin aıtty.

Sondaı-aq, qutqarýshylar jeke kólikti qar qursaýynan shyǵarýǵa mindetti emestigin, basty mindet – adamdardy qutqarý ekenin eske saldy.