TJM birqatar óńirde tótenshe órt qaýpi týyndaıtynyn eskertti
ASTANA. KAZINFORM - Qazaqstannyń basym bóliginde jańbyr jaýyp, naızaǵaı oınap, jel kúsheıedi. Birqatar oblystarda joǵary jáne tótenshe órt qaýpi týraly eskertý jarııalandy, dep habarlaıdy QR Tótenshe jaǵdaılar mınıstrliginiń baspasóz qyzmeti.
Sondaı-aq habarlamada eldiń batysynda aýa temperatýrasynyń kúrt tómendeý yqtımaldylyǵy týraly aıtylǵan.
Astanada kún bultty, jańbyr, naızaǵaı, jel 9–14 m/s. Aýa temperatýrasy túnde +14…+16°C, kúndiz +30…+32°C.
Almatyda kún bultty, jańbyr, naızaǵaı, jel 3–8 m/s, ekpini 15 m/s-qa deıin. Aýa temperatýrasy túnde +15…+17°C, kúndiz +25…+27°C.
Osyǵan deıin soltústikti tuman basyp, ońtústikte shańdy daýyl turatyny týraly jazdyq.
