TJM basshysy: Qazaqstanda tótenshe jaǵdaılar 20 paıyzǵa jýyq azaıdy
ASTANA. 18 qazan. QazAqparat - Bıylǵy jyldyń sońǵy 9 aıynda Qazaqstandaǵy tótenshe jaǵdaılar sany 19 paıyzǵa azaıdy, al tótenshe jaǵdaılardaǵy adam ólimi 14 paıyz, zardap shekkender sany 15 paıyzǵa tómendedi.
Bul týraly búgin Qutqarýshylar kúnine arnalǵan saltanatty sharada Tótenshe jaǵdaılar mınıstri Vladımır Bojko aıtty.
«Osy ýaqyt aralyǵyndaǵy kórsetkishter mınıstrlik pen onyń bólimderiniń tyńǵylyqty jumys atqarýynyń nátıjesi dep aıtýǵa bolady», - dedi ol.
V. Bojkonyń aıtýynsha, bıylǵy qystaǵy qatty boran, sý tasqyny nemese daýyl kezderinde adam shyǵynymen baılanysty oqys oqıǵalar jiberilgen joq.
