TJM aýmaqtyq bólimsheleri bes oblystaǵy joldarda 77 adamdy evakýatsııalady

NUR-SULTAN. QazAqparat – Tótenshe jaǵdaılar mınıstrligi elimizdegi aýa raıynyń qolaısyzdyǵyna baılanysty vedomstvonyń Ahýaldyq ortalyǵynda Respýblıkalyq jedel shtab qurdy, dep habarlaıdy QazAqparat TJM baspasóz qyzmetine silteme jasap.

Eske slaa ketsek, «Qazgıdromet» elimizdiń 15 óńirinde daýyldy eskertý jarııalady (Nur-Sultan q., Shymkent q., Aqmola, Atyraý, Almaty, Shyǵys Qazaqstan,Jambyl, BQO, Qaraǵandy, Qostanaı, Pavlodar, Qyzylorda, Mańǵystaý, SQO jáne Túrkistan oblystary).

TJM Ahýaldyq ortalyǵynda Respýblıkalyq jedel shtab quryldy. Onyń quramynda «Qazavtojol» UK AQ, «Kazaqavtojol» JShS ókilderi jáne ІІM ÁPK qyzmetkeri bar. Aqmola, SQO, Qostanaı oblystary jáne Nur-Sultan qalasy TJD-synda osyndaı shtabtar jumys jasaıdy.

«Qazirgi ýaqytta aýa raıynyń nasharlaýyna baılanysty (boran, qar, shekteýli kóriný, kóktaıǵaq) elimizdiń bes óńirinde - Nur-Sultan qalasy, Almaty, Shyǵys Qazaqstan, Soltústik Qazaqstan, Pavlodar oblystaryndaǵy respýblıkalyq joldardyń 8 ýchaskesi men oblystyq joldardyń 40 ýchaskesinde qozǵalys jabyldy.

«Shuǵyl jumystarǵa jalpy TJM, ІІM, jol qyzmetteri men jergilikti atqarýshy organdardan 611 adam jáne 321 tehnıka jumyldyryldy. Halyqty evakýatsııalaý úshin joldardyń jabyq ýchaskelerinde 284 jylytý pýnkti daıyndaldy, onda 227 adam, onyń ishinde 14 bala ornalastyryldy: SQO (132, onyń ishinde 7 bala), Qostanaı oblysynda (64 adam, onyń ishinde 7 bala). TJM aýmaqtyq bólimsheleri Aqmola, Almaty, Atyraý, Qostanaı, Pavlodar oblystaryndaǵy avtojoldarda 77 adamdy, onyń ishinde 6 balany evakýatsııalady, 20 adamdy, onyń ishinde 3 balany qutqardy», delingen habarlamada .

Vedomstvonyń málimetinshe, halyqty eskertý maqsatynda aýa raıynyń jaısyzdyǵy týraly 21 SMS habarlama taratylǵan. «Dármen» mobıldi qosymshasy arqyly 16 habarlama jiberildi.

Ýaqtyly aqparattyq-psıhologııalyq kómek kórsetý úshin Respýblıkalyq jedel shtabta jáne óńirlerde (Aqmola, Qostanaı oblystary men Nur-Sultan qalasynda) jedel baılanys jelisi ashyldy.