TJM Almatydaǵy jerasty dúmpýi habarlamasy jóninde: júıede aqaý bolýy múmkin
ASTANA. KAZINFORM – QR Tótenshe jaǵdaılar vıtse-mınıstri Kegen Tursynbaev búgin almatylyqtarǵa jerdiń silkinýi týraly joldanǵan eskertýge qatysty pikir bildirdi.
- Stantsııalarymyzda ornatqan júıede aqaý bolýy múmkin. Ol jerde 2-3 baldyq shaǵyn jerasty dúmpýi boldy. Júıe 5 ball dúmpý kezinde iske qosylýy tıis. Sondyqtan buǵan qatysty aqaý bolýy bolýy yqtımal, - dedi K. Tursynbaev Senatta tilshiler suraǵyna jaýap bere otyryp.
Onyń aıtýynsha, qazir Tótenshe jaǵdaılar mınıstrliginiń mamandary merdiger kompanııamen birge jabdyqtardy tekserip jatyr.
- Bul júıeniń naqty jumysyn retke keltiremiz. Almaty boıynsha departamenttiń basshysy alańdaýǵa negiz joq ekenin aıtyp, tıisti málimdeme jasady. Sondyqtan bizdiń komıssııa qazir osy jabdyqty ornatqan kompanııamen jumys istep jatyr, - dedi vıtse-mınıstr.
Budan buryn habarlanǵandaı, QR TJM «SBZUǴO» JShS seısmıkalyq stantsııalar jelisi 2025 jylǵy 23 qazanda Astana ýaqyty boıynsha 12:20 jer silkinisin tirkeldi. Onyń oshaǵy Qyrǵyzstan aýmaǵynda Almaty qalasynan ońtústik-batysqa qaraı 136 km jerde ornalasqan.
23 qazan kúni Almaty turǵyndaryna jer silkinisine baılanysty eskertý keldi.
Habarlamada turǵyndarǵa qaýipsiz jerlerdi panalaýǵa jáne dúmpýler basylǵannan keıin ǵımarattardan qaýipsiz qashyqtyqqa evakýatsııalanýǵa keńes berilgen. Alaıda áleýmettik jelide almatylyqtar jer dúmpýi sezilmegenin aıtyp jatyr.