TJM Almatydaǵy jer silkinisinen keıin sel qaýpi bar ýchaskelerdi tekserdi

ALMATY. KAZINFORM — Tótenshe jaǵdaılar mınıstrligi «Qazseldenqorǵaý» memlekettik mekemesiniń mamandary jer silkinisinen keıin ózen arnalary, gıdrotehnıkalyq qurylystar, kóshkin jáne sel qaýpi joǵary aımaqtarǵa tekserý júrgizdi.

Sondaı-aq mekeme mamandary tirshilikti qamtamasyz etý nysandary aralap, olardyń tehnıkalyq jaǵdaıyny baǵalady.

Tekserý nátıjesinde zaqymdaný anyqtalǵan joq. Barlyq nysan shtattyq rejımde jumys istep tur.

— Qıraýlar men zardap shekkender týraly málimet túsken joq. Jaǵdaı turaqty, — dep habarlady vedomstvo.

Eske salaıyq, Almaty turǵyndary búgin, 2026 jylǵy 17 aqpanda saǵat 15:11–de jer silkinisin sezdi.

Almatylyqtar jer asty dúmpýi kezinde uıaly telefonyna tótenshe eskertý habarlamasynyń kelmegenin aıtty. Keıinirek Tótenshe jaǵdaılar mınıstrligi buǵan qatysty resmı túsinik berdi.