TJM Aqsaı ózenindegi qorǵanys jumystaryn aıaqtady
ASTANA. KAZINFORM — Almatydaǵy gıdrologııalyq jaǵdaı turaqty. Ózenderdegi sý deńgeıiniń kóterilýi baıqalmaıdy. Bul týraly TJM habarlady.
TJM bólimsheleri sel qaýpi bar ýchaskelerge táýlik boıy monıtorıng júrgizýdi jalǵastyryp jatyr. Almatydaǵy gıdrologııalyq jaǵdaı turaqty. Ózenderdegi sý deńgeıiniń kóterilýi baıqalmaıdy.
Aldyn alý is-sharalary aıasynda TJM men jergilikti atqarýshy organdardyń kúshteri Aqsaı ózeniniń qorǵanys bógeti mańyndaǵy arnasyn nyǵaıtý jáne tazartý jumystaryn aıaqtady.
Júrgizilgen jumystardyń nátıjesinde ózendegi sý deńgeıi aıtarlyqtaı tómendedi.
Búgin morenalyq kólder men ózen basseınderine aerovızýaldy tekserý júrgizý josparlanǵan.
Sonymen qatar, TJM qyzmetkerleri Úlken Almaty jáne Kishi Almaty ózenderiniń basseınderine úzdiksiz monıtorıng júrgizip jatyr.
Jaǵdaıdy baqylaý maqsatynda monıtorıngtik beketterde Almaty qalasy TJD, Qutqarý qyzmeti, «Barys» respýblıkalyq jedel-qutqarý jasaǵy, TJM «Qazseldenqorǵaý» mekemesi jáne Polıtsııa departamentiniń 130-dan astam jeke quramy men 20 tehnıkasy jumyldyrylǵan.
Jaǵdaı TJM-niń turaqty baqylaýynda.
Aıta ketelik Túrgen – Assy jolyn sý shaıyp, qutqarýshylar 58 adamdy evakýatsııalaǵan edi.
