TJM Almaty oblysyndaǵy taý kólderin baqylaý beketterin ashty
ASTANA. KAZINFORM — Almaty oblysynda sel qaýpi joǵary taý kólderin baqylaý úshin bıik taýly baqylaý beketteri ashyldy.
Almaty oblysynda TJM «Qazseldenqorǵaý» MM-niń sel qaýpi joǵary taý kólderiniń jaı-kúıin baqylaýǵa jáne monıtorıng júrgizýge arnalǵan bıik taýly beketteri jumysyn bastady.
Maýsymdyq beketterdi ornalastyrý gıdrologııalyq jaǵdaıdy turaqty baqylaýdy qamtamasyz etýge, yqtımal ózgeristerdi ýaqtyly anyqtaýǵa jáne qaýip tóngen jaǵdaıda jedel aqparat berýge baǵyttalǵan.
Munda mamandar sel qaýpi kezeńinde asa qaýipti taý kólderiniń jaı-kúıin táýlik boıy baqylap, úzdiksiz monıtorıng júrgizetin bolady.
Aıta ketelik Almatynyń taýly aımaqtarynda 4-5 shilde kúnderi sel qaýpi joǵary bolatyny týraly jazǵan edik.
