TJM Aqtóbe oblysyndaǵy sý tasqynymen baılanysty jaǵdaıdy tekserdi
AQTÓBE. KAZINFORM - Aqtóbe oblysynyń Tótenshe jaǵdaılar departamenti múddeli memlekettik organdarmen birlesip, Shalqar jáne Oıyl aýdandarynda, sondaı-aq Qaýyljyr, Oıyl, Qıyl jáne Úlken Qobda ózenderiniń arnalaryna aerovızýaldy tekserý júrgizdi.
QR Tótenshe jaǵdaılar mınıstrligi baspasóz qyzmetiniń habarlaýynsha, jazyq aýmaqtaǵy qar jamylǵysy tolyqtaı erigen, al oblys aýmaǵynyń tek 4%-ynda ǵana, negizinen soltústik aýdandardyń oıpań jerlerinde saqtalyp otyr.
Ýaqtyly júzege asyrylǵan sý tasqynyna qarsy is-sharalardyń arqasynda qaýipsiz ári turaqty gıdrologııalyq jaǵdaı qamtamasyz etildi. Júrgizilgen jumystar eldi mekenderdi sý basý qaýpiniń aldyn alýǵa, sondaı-aq erigen sýlardyń ózen arnalary arqyly qaýipsiz ári baqylaýda ótýin qamtamasyz etýge múmkindik berdi.
Osyǵan deıin Aqtóbe oblysynda muz jarý jumystary júrgizilgeni týraly jazdyq.
