TJM Abaı oblysyndaǵy órtke taǵy eki tikushaq jiberdi
«Qazirgi tańda respýblıkalyq jáne oblystyq deńgeıde jedel shtabtar jumys isteıdi, órt ornynda TJM-nyń atynan jetekshilik etetin vıtse-mınıstr bar.
Bastapqy kezeńde órtti joıý úshin ortalyq memlekettik jáne jergilikti atqarýshy organdardyń ókilderinen, 434 adamnan, 109 birlik tehnıka, 2 áýe kemesi jáne 1 órt sóndirý poezynan turatyn azamattyq qorǵaýdyń memlekettik júıesiniń kúshteri men quraldary toptamasy quryldy.
Jedel jaǵdaıdyń nasharlaýyna baılanysty respýblıkalyq jedel shtabtyń otyrysy ótti, onda memlekettik organdarǵa tıisti mindetter qoıyldy.
Ekologııa mınıstrligine órt sóndirý jetekshisi retinde kómektesý úshin Tótenshe jaǵdaılar jáne Qorǵanys mınıstrlikteriniń kúshteri men quraldary qosymsha jiberildi», - dedi birinshi vıtse-mınıstr.
Aıtýynsha, dál qazir órt ornynda Tótenshe jaǵdaılar, Іshki ister, Ekologııa jáne tabıǵı resýrstar mınıstrlikteri, «Qazaqstan Temir joly», jergilikti atqarýshy organdar jáne oblystyń kommýnaldyq qyzmetteriniń kúshteri men quraldary jumyldyrylǵan.
«8 tikushaq jumyldyryldy onyń ishinde 5-i – TJM, 3-i – óorǵanys mınıstrligi, ekeýi Ekologııa jáne tabıǵı resýrstar mınıstrligine tıesili.
Sizdiń tapsyrmańyz boıynsha saǵat 11.00-de Tótenshe jaǵdaı mınıstrliginen qosymsha eki 2 áýe kemesi órt ornyna keldi. Sonda órtti sóndirýge tartylǵan 10 tikushaqtyń 8-i sý shashsa, ekeýi barlaý jáne desanttardy jetkizý úshin qoldanylady. Jaǵdaı baqylaýda, órtti oqshaýlaý jáne joıý boıynsha barlyq sharalar qabyldanýda», - dedi ol.
