TJM 2011 jyly bıik ǵımarattardaǵy órtti sóndirý úshin K-32 tikushaqtaryn satyp almaq
STANA. Qazannyń 14-i. QazAqparat /Marlan Jıembaı/ - 2011 jyly elimizdiń Tótenshe jaǵdaılar mınıstrligi Astana men Almaty qalalaryndaǵy bıik ǵımarattardan shyqqan órtti sóndirý úshin K-32 tikushaqtaryn satyp almaq. Bul týraly búgin BNews.kz portalynda ótken onlaın-konferentsııa barysynda QR Tótenshe jaǵdaılar mınıstri V.Bojko málim etti.
Kelesi jyldan bastap «Densaýlyq» baǵdarlamasy aıasynda 3 jyldyń ishinde atalǵan tehnıkanyń satyp alynatyndyǵyn naqtylaı túsken V.Bojko: «Biz K-32 tikushaqtaryn satyp alý máselesin talqylaýdamyz. Eger ózderińiz baspasózden kórseńizder, olar 5 tonnaǵa deıin sý kótere alady. Sonymen qatar olardyń sáıkesinshe órt sóndirý qural-jabdyqtary da bar. Jyljymaly satysy 25-30 metrge jetedi ári bul tikushaqtarmen jeke ǵımarattardyń syrtyndaǵy jáne ishindegi órtti sóndirý óte tıimdi», - dedi.
Mınıstrdiń aıtýyna qaraǵanda, bul tehnıka elimizdegi negizgi bıik ǵımarattar qonys tepken Almaty men Astana qalalarynda turatyn bolady. Jalpy elimizdegi bıiktigi 16 qabattan joǵary ǵımarattar órt lıftilerimen jabdyqtalǵan, ıaǵnı záýlim ǵımarattardy qorǵaý boıynsha keshendi is-sharalar atqarylǵan.
