TJM: 1 shildeden bastap shaǵyn kólemdi kemeler tekseriledi
ASTANA. KAZINFORM — Qazaqstanda shaǵyn kólemdi kemelerdi paıdalaný qaýipsizdigin kúsheıtý maqsatynda baqylaý jáne qadaǵalaý sharalary engiziledi.
Bul týraly Ortalyq kommýnıkatsııalar qyzmetinde ótken baspasóz májilisinde QR Tótenshe jaǵdaılar mınıstrligi Tótenshe jaǵdaılardyń aldyn alý komıteti tóraǵasynyń orynbasary Áset Jylqaıdarov málim etti.
Spıkerdiń sózinshe, Memleket basshysynyń tapsyrmasyna sáıkes, jaqyn arada mınıstrlikke shaǵyn kólemdi kemelerdi qaýipsiz paıdalanýdy baqylaý jáne qadaǵalaý fýnktsııalary beriledi.
— Tekserý is-sharalary aǵymdaǵy jyldyń 1 shildesinen bastalady. Elimizdiń sý aıdyndaryndaǵy shaǵyn kólemdi kemeler men olardyń turaq bazalaryna tekserý júrgiziletin bolady, — dedi tóraǵa orynbasary.
Áset Jylqyaıdarovtyń aıtýynsha, tekserý barysynda qaýipsizdik talaptarynyń saqtalýy, kemelerdiń tehnıkalyq jaı-kúıi jáne paıdalaný erejeleri qaralady. Zańbuzýshylyqtar anyqtalǵan jaǵdaıda jedel den qoıý sharalary qabyldanady.
TJM sý aıdyndaryndaǵy qaýipsizdikti qamtamasyz etý baǵytyndaǵy jumystardy kúsheıtip, azamattardy sýdaǵy qaýipsizdik erejelerin qatań saqtaýǵa shaqyrdy.
Eske salaıyq, sý aıdyndarynda sońǵy eki jylda 9 qutqarý stantsııasy salyndy.
