TjKB mekemeleri túlekteriniń jumysqa ornalasý kórsetkishi 10 paıyzǵa artty - QR BǴM
ASTANA. QazAqparat - Sońǵy 3 jylda tehnıkalyq jáne kásiptik bilim berý mekemeleri túlekteriniń jumysqa ornalasý kórsetkishi 10 paıyzǵa artty. Bul týraly búgin QR BǴM kásibı-tehnıkalyq jáne orta bilimnen keıingi bilim berý departamentiniń dırektory Sabyrjan Madeev málim etti.
«Sońǵy 3 jylda tehnıkalyq jáne kásiptik bilim berý mekemeleri túlekteriniń jumysqa ornalasý kórsetkishi 10 paıyzǵa artty. Eger 2011 jyly ol 60 paıyz, al 2013 jyly 70,5 paıyzdy qurady», - dedi ol.
Departament basshysynyń sózine qaraǵanda, jumysqa ornalasqan túlekter sany 2011 jyly 50025 bolsa, al 2013 jyly ol 1 paıyzǵa artyq 54561 adamǵa jetken.
Jalpy, mınıstrlik aqparatyna sáıkes, bolashaqta mektepterde 10-11 synyptarda elektıvtik kýrstar engizý, oqýyn jalǵastyrmaǵan mektep túlekterin mindetti áskerge joldaý, Ulttyq biliktilik júıesin jetildirý, kolledjder men joǵary synyptarda kredıttik tehnologııa engizip, jastardyń úzdiksiz bilim alýyna jaǵdaı jasaý josparlanǵan.
