TJK: Respýblıka boıynsha ótken demalysta 11 adam sýǵa ketken
ASTANA. QazAqparat - QR ІІM Tótenshe jaǵdaılar komıteti baspasóz qyzmetiniń habarlaýynsha, ótken demalysta 11 adam sýǵa ketken, onyń ekeýi balalar.
9 shilde kúni Qostanaı qalasy Tobyl ózenindegi «Aq shańyraq» demalý aımaǵynda shomylyp júrgen 1995 jylǵy jas jigit sýǵa batyp ketken.
10 shilde kúni Astana qalasyndaǵy «Zapadnyı» saıajaılyq qoǵamynda, Esil ózenine túsken er adam shyǵa almaǵan, aty-jóni anyqtalýda.
Sol kúni Aqmola oblysy Qarajar aýylyndaǵy 1989 jyly týǵan Ózbekstan respýblıkasynyń azamaty Sarqyrama ózenine túsip, qaıtys boldy.
Almaty oblysy, Jetigen aýylyndaǵy Jetigen karerinde 1982 jyly týǵan er adam ajal qushty.
ShQO jasandy sý qoımalarynda - Glýbokov aýdany Vınnoe aýyly (1989 j.t.) jáne Semeı qalasy, Mırnoe aýylynda (2009 j.t.) 2 adam o dúnıelik boldy, onyń bireýi jas bala.
Taǵy bir jasóspirim Jambyl oblysyndaǵy Qordaı aýylynda qaza tapty. 2003 jyly týǵan qyz bala jasandy sý qoımasynda qaıtys boldy.
Qaraǵandy oblysynda da sýdaǵy eki ólim tirkeldi: Sátpaev qalasyndaǵy Aınakól ózeninde (1986 j.t.) jáne Buqar jyraý aýdanyndaǵy Nura ózeninde (1998 j.t.)
Qostanaı oblysy Qamysty aýdany Klochkov aýylyndaǵy sý qoımasynda 1998 jylǵy turǵyn batyp ketken.
Pavlodar oblysy, Aqsý qalasyndaǵy K.Sátpaev arnasynda 1985 jyly týǵan er adam o dúnıelik bolǵan.
2016 jyldyń birinshi jartysynda respýblıka boıynsha 195 adam, onyń ishinde 75 bala sýǵa ketken.
Jabdyqtalmaǵan jerde shomylý, balalardy qaraýsyz qaldyrý, júze almaý jáne óz kúshin durys baǵalamaý, mas kúıinde sýǵa túsý - sýdaǵy ólimniń negizgi sebepteri bolyp tabylady.
