TJK ońtústiktegi úsh óńir boıynsha eskertý jarııalady
ASTANA. QazAqparat - QR ІІM Tótenshe jaǵdaılar komıteti elimizdiń úsh oblysynda aýa raıynyń kúrdelenýine baılanysty baılanysty eskertý jarııalady.
28 sáýirde Jambyl oblysynda jaýyn-shashyn (jańbyr ylǵaldy qarǵa aınalady), taýly jáne taý bókterindegi aýdandarda túnde qatty jaýýy yqtımal. Keı jerlerde naızaǵaı uryp, burshaq jaýýy yqtımal. Soltústik batystan soǵatyn jel soltústik shyǵysqa qaraı aýysady, keı jerlerde jeldiń ekpini 15-20, tipti 25 m/s kúsheıýi múmkin.
29-30 sáýir kúnderi aýa temperatýrasy túnde 0-5 jyly, keı jerlerde 3 gradýs aıaz bolady. Kúndiz 9-14, keı jerlerde 6 gradýsqa deıin jyly bolady.
28 sáýirde Ońtústik Qazaqstan oblysynyń taýly aımaqtarynda qatty jaýyn-shashyn bolyp, 29 sáýirde ol ylǵaldy qarǵa aınalady. Keı jerlerde naızaǵaı jarqyldap, burshaq bolýy yqtımal, soltústik-batystan soqqan jel 15-20 m/s deıin kúsheıedi.
Túnde 28-30 sáýirde topyraqtyń betinde 2 gradýs úsik júrýi múmkin.
28 sáýir - 1 mamyr aralyǵynda Almaty oblysynda jańbyr jaýyp, keı jerlerde ol nóserletedi, 30 sáýir- 1 mamyr aralyǵynda taý jáne taý bókterindegi aýdandarda jańbyrdyń arty ylǵaldy qarǵa aınalady. Keı jerlerde naızaǵaı uryp, burshaq jaýýy múkin. Al batystan soqqan jel 18-23 m/s deıin kúsheıedi.
30 sáýir - 1 mamyr kúnderi aýa temperatýrasy túnde 1-6 gradýs jyly, keı jerlerde 2 gradýs aıaz bolady. Kúndiz 11-16 gradýs jyly bolady.
