TJK mamandary ózen muzyn jarý jumystaryn júrgizýde
NUR-SULTAN. QazAqparat - Elimizde jalpy uzyndyǵy 11 myń shaqyrym aryq pen arnalar tazartyldy. Bul týraly QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap habarlaıdy.
«Aýa temperatýrasynyń joǵarylaýyna baılanysty Aqtóbe, Aqmola, Pavlodar jáne Qostanaı oblystarynyń ózenderinde muz kóbesiniń sógilýi bastaldy. Muzdyń keptelýin boldyrmaý maqsatynda olardy qopsytý jumystary júrgizilýde», - delingen baspasóz habarlamasynda.
Aqmola, Shyǵys Qazaqstan, Qaraǵandy, Qostanaı jáne Soltústik Qazaqstan oblystarynyń ózenderinde 129 ret muzdy jarý jumysy uıymdastyryldy.
«11 myń shaqyrym aryqtar men arnalardy tazalaý jumystary júrgizildi. 15 mln. astam tekshe metr qar shyǵaryldy. Avtomobıl joldarynda 25 myń jáne temirjoldarda 5 myń sý ótkizý qurylystary tazartyldy. Sý tasqyny jaǵdaılary úshin ishki ister organdarynyń kúshteri men quraldarynan barlyǵy 9 myńnan astam adam jáne 1,5 myń tehnıkasy daıyndaldy», - delingen habarlamada.
