TJK: Qazaqstanda órt qaýipsizdigi sharalaryn saqtamaý bir táýlikte bes aımaqta adamdardyń kóz jumýyna sebep boldy
ASTANA. QazAqparat - Ótken táýlikte, 2016 jyldyń 29 qańtarynda respýblıka boıynsha órt qaýipsizdigi sharalaryn saqtamaý saldarynan 11 adam qaza tapqan, sonyń ishinde eki bala boldy, taǵy bes adam aýrýhanaǵa jetkizildi. Bul týraly QR ІІM TJ boıynsha komıtetiniń resmı ókili Rýslan Imanqulov habarlady.
Adamdardyń ólimimen aıaqtalǵan eki órt oqıǵasy Shyǵys Qazaqstan oblysynda oryn alǵan.
Sondaı-aq ıis tıip ýlanýdan Almaty oblysynda eki adam kóz jumdy, Qaraǵandy oblysynda bes adam aýrýhanaǵa jetkizilgen, Shyǵys Qazaqstan oblysynda úsh adam qaza tapty. Qyzylorda oblysynda bul sebeppen eki adam aýrýhanaǵa jetkizilip, bir adam kóz jumdy, Soltústik Qazaqstan oblysynda bir adam aýrýhanaǵa jetkizildi.
Qys ýaqytynda keıbir adamdardyń pesh jaǵý kezinde órt qaýipsizdigi erejelerin saqtamaýy, sol arqyly úıleri men jaqyndarynyń ómirine qaýip tóndirýi qaýiptendiredi. Tájirıbe kórsetip otyrǵandaı, órt nemese ıis tııý kóbine «adamı faktordyń», ıaǵnı adamdardyń bilmeýshiligi, muqııatsyzdyǵy, uqypsyzdyǵy saldarynan oryn alyp jatady», - dep atap ótiledi TJ komıtetiniń habarlamasynda.
