TJK eskertedi: Batysta burqasyn bolady
NUR-SULTAN. QazAqparat - Qazaqstannyń batys óńirinde burqasyn bolady. Bul týraly búgin QR ІІM Tótenshe jaǵdaılar komıtetiniń tóraǵasy Vladımır Bekker aıtty, dep habarlaıdy QazAqparat tilshisi.
«Tájirıbe tótenshe jaǵdaılar sany demalys jáne mereke kúnderi ulǵaıatynyn kórsetip otyr. Bul qalyptasqan aýa raıy jaǵdaılaryn eskermesten turǵyndardyń avtokólikpen basqa óńirlerdegi týysqandaryna barýyna jáne demalys kezinde qyraǵylyqtyń tómendeýine baılanysty», - deıdi komıtet tóraǵasy.
Onyń atap ótýinshe, 1 jeltoqsanda elimizdiń batys oblystarynda kóktaıǵaq pen jaıaý burqasyn kútiledi. Sonymen qatar, sý aıdyndarynda qaýipsizdik erejelerin saqtaý qajettigin eskertti.
«Tótenshe jaǵdaılar komıteti azamattarǵa aýa raıynyń ózgerýin, meteorologııalyq málimetterdi, sms-habarlamalardy baqylap otyrýǵa keńes beredi. Aýa raıynyń nasharlaýy men avtojolda avtokólik qozǵalysyna shekteý engizilgen kezde alys saparǵa shyqpańyzdar», - dedi V.Bekker.
