TJK basshysy Sergeev sý qoımasynyń jaǵdaıy týraly aıtty
NUR-SULTAN. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker Sergeev qoımasynyń sýyn Petropavlǵa qaraı qaı kezde jiberiletinin aıtty, dep xabarlaıdy QazAqparat tilshisi.
«Qazirgi kezde Sergeev qoımasyndaǵy sý erneýine jetip qaldy. 35 santımetrdeı qaldy. Aldaǵy eki aptanyń ishinde sýdyń tasýy baıqalatyn shyǵar. Sebebi Aqmola oblysyndaǵy sýdyń bári Sergeev qoımasyna baryp quıylady. Sosyn ary qaraı ony ózenniń boıymen Petropavlǵa qaraı jiberedi. Ol jaqta da arnaıy sý toraby bar», - dedi V.Bekker Astanada ótken baspasóz máslıxatynda.
Komıtet basshysynyń aıtýynsha, búginde qutqarýshylar Aqmola oblysynyń Tselınograd, Atbasar men Astraxan aýdandaryn erekshe baqylaýda ustap otyr. Ol jaqta Jabaı men Kolýton ózenderiniń sýy kúrt kóterilip ketken. Osy sýdyń bári ary qaraı Esilmen Sergeev qoımasyna barady.
Aıta keteıik, búgingi brıfıngte komıtet basshysy Soltústik Qazaqstan oblysyndaǵy jaǵdaı týraly aıtyp berdi. Ol jaqta eki aýyldyń turǵyndary óz úılerine qaıta bastady. V.Bekkerdiń sózine qaraǵanda, Qaraǵandy oblysy boıynsha sý tasqynynyń eń qaýipti kezeńi artta qaldy. Budan bólek, ol Pavlodar oblysyndaǵy respýblıkalyq mańyzy bar joldyń sýdan buzylýyna sebep bolǵan máseleni de atady.
