TJD pravoslav merekesi kezinde sýǵa túsýge oraı qaýipsizdik sharalaryn qolǵa alýda - Astana
ASTANA. 15 qańtar. QazAqparat - Astana qalasy Tótenshe jaǵdaılar departamenti shoqynyp sýǵa túsý pravoslav merekesi kezinde sýǵa qaýipsiz shomylý úshin Esil ózeniniń qalalyq saıabaq aýdanynda 19 qańtardyń 00.00 saǵatynan 20 qańtardyń 00.00 saǵatyna deıin arnaıy oryn uıymdastyrylyp,
sýdan qutqarý qyzmeti, medıtsına apattyq ortalyǵymen táýlik boıy kezekshilik atqaratynyn habarlaıdy.
Muz astyna adamnyń ketip qalmaýy úshin arnaıy qorǵaý quraldarymen, ıaǵnı 1,5 m. tereńdigi torqapshyqpen jabdyqtalǵan.
Astana qalasy TJD oıyqta sýǵa shomylý kezinde aǵzanyń tońazytýyn boldymaý úshin sýda uzaq bolmaýdy, ishimdik iship sýǵa túspeý kerektigin eskertedi. Aýrýshań jaǵdaıdaǵy azamattardyń aldymen dárigermen keńeskeni jón.
Esterińizge sala keteıik, byltyr Esil ózeninde shoqynyp sýǵa shomylý kezinde ákimshiliktiń jabdyqtaǵan orynnan ary qaraı turǵyndardyń óz erikterimen uıymdastyrǵan jerde 1950 jyly týǵan azamat qaıtys boldy. Ólim sebebi júrek aýrýyna baılanysty bolǵan kórinedi.
