TJD naýryzda elordada aýa raıy qandaı bolatynyn aıtty
NUR-SULTAN. QazAqparat - Nur-Sultan qalalyq tótenshe jaǵdaılar departamentiniń bastyǵy Baýyrjan Syzdyqov kóktemgi sý tasqynyna qarsy ótken «Kóktem-2020» respýblıkalyq oqý-jattyǵýy kezinde naýryz aıynda aýa raıy qandaı bolatynyn aıtty, dep habarlaıdy QazAqparat tilshisi.
«Qazgıdromet» eskertý jarııalady. 25-26 aqpan kúnderi aýa raıy +4 gradýsqa deıin jylynyp, jańbyr jaýyp, sońy qar aralas jaýynǵa ulasady. Sondaı-aq, naýryz aıy jyldaǵyǵa qaraǵanda +1 gradýsqa jyly bolady»,- deıdi Nur-Sultan qalasyndaǵy tótenshe jaǵdaılar departamentiniń bastyǵy Baýyrjan Syzdyqov.
Oqý-jattyǵý Saryarqa aýdanyndaǵy Yryskeldi qajy meshiti mańynda, Ilınka-2 turǵyn alabynda ótti.
«Budan bólek qosymsha oqý-jattyǵý oryndary bar. Olar Almaty, Baıqońyr, Saryarqa aýdandarynda ótedi. Atalǵan jerlerde zardap shekkenderdi evakýatsııalaý, qar shyǵarý, erigen sýdy sorý, jolda erigen qar sýyna tap bolǵan avtobýstan jolaýshylardy kóshirý, balyqshylardy izdeý sııaqty sý tasqynyna qarsy is-sharalar ótkiziledi», - deıdi ol.
