TJD qyzmetkerleriniń zańsyz oıyn bıznesi: Mınıstrlik jaǵdaıdy erekshe baqylaýǵa aldy

Eske sala ketsek búgin Aqmola oblysy Tótenshe jaǵdaılar departamentiniń laýazymdy tulǵalary el aýmaǵynda zańsyz oıyn bıznesin uıymdastyrdy degen kúdikke ilingeni habarlaǵan bolatyn.
Tótenshe jaǵdaılar mınıstrligi bul jaǵdaı erekshe baqylaýda ekenin jarııa etti.
«30 qarasha kúni Ekonomıkalyq tergeý departamentiniń mamandary TJ departamentiniń qyzmetkerin «zańsyz oıyn bıznesin uıymdastyrdy» (ınternet-kazıno) degen kúdikpen ustap, 2 jeltoqsan kúni bosatty. Qazir ol iske qatysty sotqa deıingi tergeý amaldary júrgizilýde. TJ departamentiniń qyzmetkeri azamattyq qorǵaý organdarynda 2002 jyldan bastap jumys istep keledi», - dep habarlady mınıstrliktiń baspasóz qyzmeti.
Sotqa deıingi tergeý nátıjesine baılanysty osy qyzmetkerge qatysty tártiptik jaza qabyldanady. Tipti teris qylyqtary úshin olar qyzmetinen bosatylýy múmkin.