TJD kóligin soqqan qostanaılyq bir mıllıonnan astam teńgesinen aıyryldy
QOSTANAI. QazAqparat - Qostanaı qalalyq soty Qostanaı oblysy Tótenshe jaǵdaılar departamentiniń qala turǵynyna materıaldyq shyǵynnyń saqtandyrý aıyrmasyn óndirip alý jóninde qoıylǵan talaby boıynsha azamattyq isti qarastyrdy, dep habarlaıdy QazAqparat tilshisi.
Belgili bolǵandaı, kólik júrgizip kele jatqan qostanaılyq azamat baǵdarshamnyń tyıym salynǵan belgisinen ótip ketip, TJD kóligine soǵylǵan.
«Mamandandyrylǵan ákimshilik sottyń qaýlysymen, M. esimdi azamat ákimshilik quqyqbuzýshylyq jasaǵany úshin jaýapkershilikke tartyldy. Jaýap berýshiniń azamattyq-quqyqtyq jaýapkershiligi tirkelgen saqtandyrý kompanııasy Departament aldynda bir saqtandyrý jaǵdaıy boıynsha 600 aılyq eseptik kórsetkish túrindegi jaýapkershiliktiń shekti kólemin tóledi. Bul 2017 jyl úshin 1 361 400 teńgeni qurady. Sot otyrysynda aryz berýshi ekinshi taraptan 1 146 621 teńge kóleminde qarajat tóleýin talap etti», - dedi sottaǵylar.
Nátıjesinde sot TJD-nyń 1 146 621 teńge kóleminde materıaldyq shyǵyndy óndirip alý jónindegi aryzyn qanaǵattandyrdy.
