TJD: Elordada qatty burqasynǵa baılanysty jetel shtab quryldy
NUR-SULTAN. QazAqparat - Elordada kún raıynyń buzylýyna baılanysty (boran, kúshti jel, joldyń nashar kórinýi, kóktaıǵaq) barlyq 6 respýblıkalyq jáne oblystyq mańyzy bar avtojol jabyldy, dep habarlaıdy QazAqparat.
Nur-Sultan qalasy TJD-da joldarda tótenshe jaǵdaılardy joıý jónindegi jedel shtab quryldy, jedel telefon jelisi ashyldy. Barlyq baǵyttar boıynsha azamattar men avtokólikterdi evakýatsııalaýdy júzege asyratyn joǵary ótimdi tehnıka (Kýng, Trekol) shyqty. Jol polıtsııasymen birge avtokólikterdiń ótýine jol bermeý úshin beketter qoıyldy.
Qazirgi ýaqytta qala boıynsha aıaldamalarda avtobýs kútip turǵan azamattardy jetkizý úshin 25 jergilikti vahta jumys isteıdi.
Blok-beketterde halyqtyń qaýipsizdigin qamtamasyz etý maqsatynda TJD qyzmetkerleri PD jáne jol ıelerimen birlesip tıisti túsindirý jumystaryn júrgizýde.
Avarııalyq-qutqarý jumystaryna barlyǵy j eke quramnan 26 adam jáne 8 birlik tehnıka jumyldyryldy.
TJD elorda turǵyndary men qonaqtaryna qala syrtyna shyqpaýǵa, saq bolýǵa, aýa raıynyń ózgerýi men engizilgen shekteýler týraly aqparatty qadaǵalaýǵa keńes beredi.
«Jel kúsheıgen kezde ǵımarattardan shyǵýǵa shekteýge keńes beremiz. Balalardy erekshe baqylaýǵa alý jáne olardy qaraýsyz qaldyrmaý mańyzdy. Eger sizdi kóshede qatty jel soǵyp qalsa, jerasty ótkelderine nemese ǵımarattardyń kireberisterine tyǵylýǵa keńes beremiz. Úılerdiń qabyrǵalaryna qatty jelden jasyrynbańyz, óıtkeni shatyrlardan shıfer men basqa shatyr materıaldary qulaýy múmkin.
Tótenshe jaǵdaı týyndaǵan jaǵdaıda «112»telefonyna qońyraý shalyńyz!» delingen eskertý habarlamasynda.
