TJD Býrabaı aýdanynda sý bógeti buzylǵany týraly aqparatty joqqa shyǵardy
KÓKShETAÝ. QazAqparat-Aqmola oblysynyń TJD «Aqmola oblysynyń Býrabaı aýdanynda sý bógetin buzyp ketti» degen taqyryppen shyqqan «Total.kz» saıty jarııalaǵan aqparatty rastamady. Bul týraly Tótenshe jaǵdaılar komıtetiniń departamentiniń saıtynda jarııalandy, dep habarlaıdy «QazAqparat».
«TJD 2017 jyldyń 13 sáýirinde saǵat 10:25 «Aqmola oblysynyń Býrabaı aýdanynda sý bógetin buzyp ketti» degen taqyryppen shyqqan aqparatty rastamaıdy.
Sonymen qatar, aýa raıy temperatýrasynyń kóterilýine baılanysty qar erip, Kenesary sý qoımasyndaǵy sýdyń deńgeıi (140 sm) kóterildi.
10 sáýirde jınalǵan sý aınalma aryq arqyly aǵyzyldy. Al, 11 sáýir kúni keshki saǵat 20:00-derde sý atalmysh aryqty keńeıtip, aǵysty údete tústi. Osydan-aq, sý bógetine eshqandaı qaýip tónbegenin ańǵarýǵa bolady. Mundaǵy jaǵdaıdy Býrabaı aýdandyq TJB basshysy men Kenesary selolyq okýrginiń ákimi baqylaýǵa alyp, saǵat saıyn monıtorıng júrgizilip otyrdy.
12 sáýirde osy aınalym aryq arqyly kóp kólemde sý aǵyp ótti. Eldi mekender men joldardy sý basý oryn alǵan joq», dep kórsetilgen habarlamada.
Kókshetaý qalasy ákimdiginiń málimeti boıynsha, 12 sáýirde oblys ortalyǵyndaǵy Qylshaqty ózeni arnasynan asyp, Kaptsevıch jəne Naberejnaıa kósheleriniń qılysynda sý jaǵaǵa jaıylǵan.
Tótenshe jaǵdaı oryn alǵan jerge qala ákimi Ermek Marjyqpaev baryp kórip, sýdyń qaýipsiz aǵýyn retteý boıynsha shuǵyl keńes ótkizdi.
Eske sala keteıik, sáýirdiń 11-i kúni Zerendi aýdanynda Shaǵalaly ózeniniń sýy kóterilýi saldarynan osy attas aýyldaǵy 4 úı men 9 úıdiń aýlasyn sý alǵan bolatyn. Osynyń saldarynan 43 adam (onyń ishinde 9 bala) jáne 154-ke jýyq úı janýarlary qaýipsiz jerge kóshirildi.
Sonymen qatar 12-shi səýir kúni Kókshetaý qalasynyń irigesindegi Krasnoıar eldi mekeniniń mańynda sý tasqyny bolyp, aýyldan shyǵaberis tasjoldy shaıyp ketti. Munda da Kókshetaý gıdrobeketinen aqqan sý men qar sýynyń qosylýy saldarynan Shaǵalaly ózeni arnasynan asyp ketken.
