TJD almatylyqtarǵa kópqabatty ǵımarattarǵa jaqyndamaýǵa keńes berdi
ALMATY. QazAqparat - Búgin Almatyda jańbyr jaýyp, sońy qarǵa ulasýy yqtımal. Bul týraly qalalyq Jasyl ekonomıka basqarmasynan málim etti, dep habarlaıdy QazAqparat tilshisi.
Túnde aýa temperatýrasynyń tómendeýine baılanysty kóktaıǵaq bolýy múmkin. Sol sebepti basqarma ókilderi júrgizýshilerge avtokólikter arasyndaǵy qashyqtyqty ulǵaıtyp, jyldamdyqty asyrmaýǵa keńes beredi.
«Jaıaý júrginshilerden de trotýarlarda abaı bolýyn, bıik ǵımarattarǵa jaqyndamaýyn suraımyz. Jaýǵan qardy tazalaýǵa 860 tehnıka men 1320 jumysshy jumyldyrylatyn bolady», - delingen baspasóz habarlamasynda.
Buǵan deıin Tótenshe jaǵdaılar departamenti kúnniń jylynýyna baılanysty 9-13aqpan kúnderi qardyń erýi, muz kóbesiniń sógilýi jáne sý deńgeıiniń kóterilýi múmkindigin eskertken bolatyn.
