TJD Almaty turǵyndaryna órt qaýipsizdigine baılanysty eskertý jasady

ALMATY. QazAqparat - Almatyda 14-16 maýsym aralyǵynda joǵary órt qaýpi saqtalady, dep habarlaıdy QazAqparat tilshisi.

Almaty qalasynyń tótenshe jaǵdaılar departamenti Qazgıdromettiń aýa raıyna baılanysty eskertýi negizinde 14-16 maýsym aralaǵynda qalada joǵarǵy órt qaýipi saqtalatynyn habarlady.

Osyǵan oraı, vedomstvo qala turǵyndary men qonaqtaryna taýly-ormandy alqaptarǵa barǵanda órt qaýipsizdigi erejeleriniń talaptaryn saqtaýǵa shaqyrdy.

«Tamaq jasaý úshin arnaıy as pisirý qurylǵylaryn qoldaný;

- temeki shekpeý, tutanǵan sirińke jáne temeki qaldyqtaryn tastamaý;

- kún sáýlesinde bótelkelerdi, shyny synyqtaryn, basqa da turmystyq qaldyqtardy qaldyrmaý jáne shóptiń ústine ot jaqpaý qajet», - dep eskertti TJD-da.