TJD: Almaty taýlarynda qar kóshkini júrý qaýpi bar
ALMATY. Qazaqparat - Almaty qalalyq TJD turǵyndarǵa taýǵa shyǵýdy keıinge qaldyrýǵa keńes beredi, dep habarlaıdy QazAqparat tilshisi.
Quzyrly organnyń habarlaýynsha, qańtardyń 3-5 aralyǵynda qalyń qar jaýady dep boljanyp otyr. Osyǵan baılanysty taýda qar kóshkini júrý qaýpi bar.
"Qala turǵyndary men qonaqtaryna taýǵa serýendeýdi keıinge qaldyrýǵa keńes beremiz"- dedi TJD baspasóz qyzmetinen.
Qazgıdromet RMK jaqyn kúnderi Qazaqstannyń basym terrıtorııasynda jaýyn-shashyn túsedi dep boljam jasap otyr. Almaty oblysynda kóktaıǵaq pen tuman bolýy múmkin.
3 qańtardan bastap aýa temperatýrasy kúndiz -1 pen - 4, túnde -7 bolmaq.
