TJD: Almaty oblysynda burshaq aralas nóser jaýyn jaýady

TALDYQORǴAN. QazAqparat - Almaty oblysynyń Tótenshe jaǵdaılar departamenti 23 mamyr kúni Almaty oblysynda nóser jaýyn jaýatynyn eskertti, - dep habarlaıdy QazAqparat tilshisi.

«23 mamyr kúni Almaty oblysynyń taýlarynda jáne taý bókterindegi aýdandarda siber jańbyr jaýýy, burshaq túsýi, kún kúrkirep, naızaǵaı oınaýy yqtımal. Soltústik-batystan jel soǵady, jeldiń ekpini 23-28 m/s-ǵa jetedi.

Almaty oblysynyń TJD azamattardy aýa raıynyń ózgerýin baqylaýǵa jáne saqtyq sharalaryn saqtaýǵa shaqyrady. Daýyldy eskertýler jáne basqa da shuǵyl aqparatty jedel alý úshin «Dármen» tegin mobıldi qosymshasyn júkteı alasyz» delingen Almaty oblystyq TJD baspasóz qyzmetiniń habarlamasynda.

Aıta keteıik, búgin qatty jaýyn saldarynan jańadan salynyp jatqan Taldyqorǵan-Úsharal jolyn sý shaıyp , oqıǵa bolǵan aımaqta jol jabyldy.

Sonymen qatar, Kerbulaq aýdanynyń Qoǵaly aýylynda úsh kósheni sý basqanyn habarlaǵan bolatynbyz.