TJD Almatynyń turǵyn úılerindegi órttiń negizgi sebepterin atady
ALMATY. KAZINFORM — Almatyda jylytý maýsymy 9 qazanda bastalady. Bir aıǵa jýyq ýaqyt ishinde turǵyn úı sektorynda 18 órt tirkeldi.
Almaty qalasy Tótenshe jaǵdaılar departamentiniń málimetine sáıkes, turǵyn úı sektoryndaǵy jalyn saldarynan adam qaza taýyp, 5 adam túrli dárejedegi jaraqat alǵan. Ótken jyldyń osy kezeńinde 28 órt tirkelse, qaza tapqan jáne zardap shekken azamattar bolmaǵan. Salystyrmaly túrde órt sany 36%-ǵa tómendedi.
TJD tirkelgen órtterdiń negizgi sebepterin atady:
• elektr symdarynyń aqaýy — 9 jaǵdaı;
• otpen abaısyz jumys isteý — 5 jaǵdaı;
• peshpen jylytý júıesin paıdalaný kezinde órt qaýipsizdigi talaptaryn buzý — 2 jaǵdaı;
• gaz-aýa qospasynyń jarylysy saldarynan órttiń shyǵýy — 2 jaǵdaı.
— Qala aýmaǵynda 171 myńnan astam jeke turǵyn úı bar. Bul rette jeke turǵyn úı sektory azamattyq qorǵaý organdary tarapynan tekserýge jatpaıdy. Atalǵan sanattaǵy turǵyn úılerdiń órt qaýipsizdigi turǵyndardyń órt qaýipsizdigi normalary men qaǵıdalaryn oryndaýly tıis, — dep habarlady departamentten.
Eske salaıyq, buǵan deıin Almatyda órt qaýpi joǵary 5 myń eski úı baqylaýǵa alynǵanyn jazǵanbyz.
