TJ jarııalanǵaly 180-ge jýyq qazaqstandyq jumysqa ornalastyryldy

NUR-SULTAN. QazAqparat - Mobıldi jumyspen qamtý ortalyqtary tótenshe jaǵdaı kezinde Qazaqstannyń 174 azamatyna eńbekke ornalasýǵa kómektesti, dep habarlaıdy QazAqparat.

«174 qazaqstandyq tótenshe jaǵdaı kezeńinde Mobıldi jumyspen qamtý ortalyqtary arqyly jumysqa ornalasty. Qazirgi tańda elimizde 31 Mobıldi jumyspen qamtý ortalyǵy jumys isteıdi. Onyń 8-i – Nur-Sultan qalasynda, 11-i – Almaty qalasynda, 10-y – Shymkent qalasynda jáne 2-eýi Jambyl oblysynyń Qordaı aýdanynda ornalasqan. Tótenshe jaǵdaı kezinde osy ortalyqtar arqyly 894 adam jumysqa ornalasýǵa jiberildi, onyń ishinde 174-i jumysqa turdy. Taǵylymdamadan ótkennen keıin jumysqa ornalasqandardyń sany artady dep josparlanǵan», - delingen Memlekettik komıssııanyń shuǵyl shtabynyń Telegram-kanalynda.