TJ: Túrmeden bosap shyqqandardy týystary kútip almaıdy

NUR-SULTAN. QazAqparat – Árbir sottalǵan adam úshin kolonııadan bosap shyǵý kópten kútken kún bolyp sanalady. Dese de, tótenshe jaǵdaı kezinde olardy túzeý mekemeleriniń aldynan týystary qarsy ala almaıdy, dep habarlaıdy QazAqparat QR ІІM Qylmystyq-atqarý júıesi komıtetine silteme jasap.

«Karantın rejımi engizilgeli beri bas bostandyǵynan aıyrý oryndarynan 60 adam bosatyldy. Olaryń 38-i blokposttardy kesip ótý arqyly turǵylyqty mekenjaılaryna jetkizildi. Qalǵandary ýaqytsha turatyn jerlerge – týystaryna, áleýmettendirý ortalyqtary men qoǵamdyq qorǵa jetkizildi», - delingen komıtet aqparatynda.

ShQO boıynsha jaǵdaıdy QAJ departamenti probatsııa qyzmetteri basshylyq etý bóliminiń basshysy Oljas Jakııarov aıtyp berdi.

«Mundaı jaǵdaılarda kolonııa men túrme qyzmetkerleri turǵylyqty jerine jetýge kómektesedi. Tótenshe jaǵdaı rejımi kezinde Shyǵys Qazaqstan oblysy boıynsha QAJ departamenti OV-156/6 mekemesinen eki sottalǵan bosatyldy», - deıdi ol.

Onyń aıtýynsha, bosap shyqqan sottalǵandarǵa QAJ komıtetiniń nusqaýyna sáıkes turǵylyqty jerine deıin ári qaraı jol júrý úshin baǵyttyq paraqtar, sondaı-aq koronavırýs ınfektsııasynyń aldyn alý boıynsha jadynamalar, kóp ret qoldanylatyn maskalar, qolǵaptar men antıseptıkalyq quraldar tabys etiledi.

«Qazirgi ýaqytta tótenshe jaǵdaı rejımine baılanysty barlyq qyzmetter úılesimdi yrǵaqpen jumys isteıdi jáne qalalar men oblystardyń Polıtsııa departamentteriniń basqa da qyzmetterimen ózara is-qımyl jasalyp jatyr. Bizben barlyq qajetti sharalar qabyldandy, bul baǵyttaǵy jumys jalǵasady», - deıdi bólim basshysy.