TJ rejimin buzǵan 14 júrgizýshiniń kóligi aıyp turaǵyna qoıyldy
ALMATY. QazAqparat – Almatyda tótenshe jaǵdaı rejimin buzǵany úshin 14 júrgizýshiniń avtokóligi aıyp turaǵyna qoıyldy, dep habarlaıdy QazAqparat tilshisi.
Qalalyq polıtsııa departamentiniń baspasóz qyzmeti habarlaǵandaı, ótken táýlikte qalalyq ákimshilik soty QR ÁqbK 476-baby boıynsha 19 ákimshilik is qarady.
«Bul ister boıynsha 12 adam qamaýǵa alynyp, 7 aıyppul salyndy. 476-babynyń 6-tarmaǵy boıynsha kóshede sebepsiz júrgen 11 tulǵa ákimshilik jazaǵa tartyldy. Olardyń 8-i qamaýǵa alynyp, 3 adamǵa aıyppul salyndy», - dedi PD baspasóz qyzmetinen.
Karantın bastalǵaly beri Almatyda 292 adam ákimshilik jaýapkershilikke tartylǵan. Onyń 147-si qamaýǵa alynsa, 139 adamǵa aıyppul salyndy. Sondaı-aq 6 adam eskertý aldy.
Qazir qala kóshelerin 3 myń áskerı qyzmetshi men polıtseıler 997 marshrýt boıynsha tekserý júrgizedi. Almatyda karantındik sharalardy qamtýǵa barlyǵy 5500 adam jumyldyrylǵan. 26 blokpostta 208 polıtsııa qyzmetkeri jumys istep jatyr.
Bir táýlikte 6540 kólik tekserildi. Aýdandyq polıtsııa bólimshelerine qalada sebepsiz júrgen 21 júrgizýshi jetkizildi. 14 kólik aıyp turaǵyna qoıyldy.
Taldaý málimetterine sáıkes 3 sáýirde qalanyń magıstraldi kóshelerinde qozǵalys azaıǵan.
«Kúndizgi 11.00 men 12.00 aralyǵynda kamera qalanyń magıstraldi kósheleri Shyǵys aınalma joly, Raıymbek-Saın, Seıfýllın-Jansúgirov, Tólebı-Rozybakıev arqyly 3764 kólik ótkenin túsirip alǵan. 11 naýryzda bul ýaqytta 15 386 kólik ótken bolatyn», - dedi polıtsııadan.
